الله يعلم إني حاولت
أسند على كفي الســــــــــما و أناظر الشمس
أشرب عن عيونك ضما أشرب ضما الشمس
و قلتي عسى جفنك عسى ما يحترق
حاولت ما أغمض عيوني و نفــترق
حاولت أنا ما نفترق

أه لو تدرين لو تدريـــن
لا عود العاشــــق حزين
يمشي على جفن و جبين
لا باس يا القلب الشــجاع ضــــــاع الأمل مالك عذر
من لمست عيوني الشعاع زندي انثنى رمحي أنكسر
و قلتي عسى جفنك عسى ما يحترق
حاولت ما أغمض عيوني و نفــترق
حاولت أنا ما نفترق


إن لمسني حزنك الطاغي
ب أغطي وجهي الوجل بيدي
جرحيني جرحي ثم أبـــــعدي
جرحي الصمت بكلام
أه لو كلمة مـــــــلام
و أرجعي تحت الظلام
عودي في سنا القلب اللى توه يحترق
شـــــمســـــــــنا غابت حياتي بنفترق
و الله يعلم

...............بدر بن عبدالمحسن

يا بنـت أنا ماني كذا وظنونـك تكّـذب عليـك
كلّي عيـوب وماقوت تخجلني ظنونك وأتـوب
أكذب عليك ودوم أخونك وألبس الأبيض وأجيك
وأعشق معك ألفيـن وجه ويمتلي صدري قلـوب
أحلى الكـلام أقول لك لو قلته البـارح لذيـك
ياقف على شفاهـي معك مراهـقِِ صبِ لعـوب
أكـذب ولا أدري ليه أكذب أعشقـك ما أرتجيـك
أخاف من صدق الحقيقة في الهروب من الهروب
والله أحبـك وأعشقـك وأعرف زمان اني أبيـك
لكنهـا هـذي الحيـاة اتعلمـت منا الـذنـوب
العيـن عجزت تعتقـك القلـب عيّـى يشتريـك
في السجن خيّال وفي في الصدر رجـّال كـذوب
هذي الحقيقة ما يجي في الكـون أطهر من يديك
وانا الذي أنقض وضـوء الغيم والما والهبـوب
أنقل عيوبي فوق متني وانت لك عيبـك شريـك
وباكر تبسـم لي وجـيه لك يعبسها الشحـوب
يا طاهـره حنا كذا المظهـر يكـذب عليـك
يمكن يجي يوم أخجل من ظنونك وأتـوب


...........طلال عبدالعزيز الرشيد

تدرين وادري بنفترق
تدرين قلبي بيحترق
حنا اتفقنا في كل شي الا الزمن
عيى الزمن لا نتفق
ولاتزعلي لو نفترق
قلبك خلي
وقلبي انا اللي بيحترق

ياوردة في كل الفصول
يافرح عيى لايطول
قولي واقول
ان كان عندك لي حلول
يافرحة القلب الحزين
الوقت يمر ..
ومالك عذر
كانك تبين ننسى العمر ..
ننسى السنين
وانذوب في حب وحنين
تدرين وش سر الحكاية
الوقت يمر .. ولكل شي لابد نهاية
وحنا قربنا من النهاية
ومالك عذر
يابسمة الثغر الخجول
ان كان عندك لي حلول
وان كان ودك نتفق
والا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

ياحب .. يادنيا جديدة
يا احلى ابيات القصيدة
ان كان جرحي ما كفى
انزفلك جروحٍ جديدة
وان كان شعري ماوفى
انسى الحكي وانسى القصيدة
يا احلى ايام العمر
كثر الحكي وش بيفيد
ومابقى عندي صبر
والجرح في قلبي يزيد
مالك عذر
يابسمة الثغر الخجول
ما اظن عندك لي حلول
وما اظن ودك نتفق
واحنا ترانا بنفترق
ولاتزعلي لو نفترق
قلبك خلي
وقلبي انا اللي بيحترق

...........عبدالرحمن بن مساعد