( لا تركتيني )

لا تركتيني في حالي ولا خذيتيني معك
يوم جاوبني سؤالك اعترفلك مدمعك
ولو تروحي وانتي روحي في عيوني اجمعك
وان ضحكتي او بكيتي او شهقتي اسمعك


آهـ يا طول المسافه بين فرحي والامل
غصب بامشيها حسافه حلم عاشق ما اكتمل
صرت في حاله غريبه ليتك اتلاقيلي حل
قلبي المشقي عشانك كم صبر كم يحتمل


صارت اشواقي وخوفي سالفة ليل وحكي
حارت اوراقي وحروفي والقلم صاح وبكي
قدري انتي ظروفي وجاوبيني ع السؤال
وش يحدك تلعبي بي وتسبقيني وتشتكي ..!

يا اجمل الحزن لدموعك سلام
من حبيب بقى منه الكلام
وين انا منك غربني الزمان
وخانني النور وابعدني الظلام
لو بعزيك سالت دمعتي
تدري الدمع في حبك حرام
لو بواسيك مايكفي الهوى
ولوأبي عذر مايكفي الغرام
اعطنى من عذابك يا البعيد
صرخةٍ تجعل ظلوعي حطام
اااه لو في يدي ابكي معاك
قطرةٍ مادرى عنها الغمام
مبخل الوقت يحرمني البكا
وانت لجلك حرمني الابتسام
يا اطهر الحزن لو كان القصيد
يكشف الغم عن بدر التمام
لكتب الشمس شعرٍ في سناك
وامحي امن السما عج وكتام
ياعسي البدر نوره مايغيب
عن حبيبٍ بقي منه الكلام